قهوة شباب السعودية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تنبيه لا تتعامل الا مع وسيط مالي معتمد او شركة استضافة معتمدة بالمعهد

إرسال موضوع جديد   إرسال مساهمة في موضوع

اذهب الى الأسفل

تنبيه   لا تتعامل الا مع وسيط مالي معتمد او شركة استضافة معتمدة بالمعهد Empty تنبيه لا تتعامل الا مع وسيط مالي معتمد او شركة استضافة معتمدة بالمعهد

مُساهمة من طرف زينب محمد السبت يونيو 27, 2020 9:14 am

بسم الله الرحمن الرحيم

أسف اولا علي العنوان للموضوع ليس أستخفاف بعقل أحد لا سامح الله ولكن العنوان في اطار الموضوع

الموضوع تجربة شخصية حدثت لي واتمني من الادارة تثبيت الموضوع حتي لا يقعوا الاعضاء فريسة للنصب مثل ما حدث معي

الكثير منا يتجاهل الموضوع المثبت بالملاحظات

تنبيه هام جدا عند طلب وسيط مالي معتمد

وأنا احد هولاء الاشخاص للاسف

خدعت بالكلام المعسول والحلفان بالله وتم النصب عليا في مبلغ 4000 الاف جنية

اخذت من اللص صورة جواز السفر وبطاقتة الشخصية ضمان لو حدث مكروة وعندي ايميلاتة

ولكن قدر الله وماشاء فعل تم النصب علي وأحببت ان انقل تجربتي حتي يعتبر الجميع ويتعاملوا مع وسيط مالى مهما كانت العمولة كبيرة

ويعلم الله اني لا يوجد صداقة بيني وبين احد الوسطاء ولكن هذه كلمة حق وبعد تجربتي المؤلمة

ولاننا في أم الدنيا مصر المحروسة هتقدر تاخد حقك بسهولة جدا
ذهبت الي قسم الشرطة لتحرير محضر وهذا ما حدث معي :

السلام عليكم عايز احرر محضر نصب حضرتك لشخص سرقني شرحتلة الموقف

قالي اتفضل للظابط

دخلت للظابط قالي بالنص مقدرش اعملك اي حاجه دة بعد ما ساعتين اقنعتة اساسا اني اتنصب عليا

قالي المحضر يتعمل لو لية موقع او شركة مسجلة ومرخصة ولديك فاتورة منهم تقدر تشتكي غير كدة مقدرش اعملك اي حاجه

وبكل لباقة بوضحلة الموقف وبقولة عندي بطاقتة وعندي الباسبور والمكالمات متسجلة

قالي اتفضل يا استاذ متعطلناش مش فاضيين احنا للهبل دة ابقي خد بالك المرة الجاية

لو حد حط ايدة في جيبك وسرقك تعالي ليا اعملك محضر

مانا يافندم اتسرقت وجيتلك اهو

انتا بعتلة الفلوس دي بنفسك ولا حد غصبك ؟

اتفضل بقي علشان مش فاضيين واللهجبة اتغيرت

خبطت علي مكتب المأمور بتاع القسم

راجل محترم جدا

يافندم كذا كذا وانا دكتور صيدلي مش حد مجهول الهوية

ووريتة بطاقتي وشرحتلة كل حاجه وسمعته التسجيلات والاثباتات

ضحك وقالي انتا اشتريت من موقع شركة رسمية مسجلة زي سوق كوم ؟

علشان اعملك محضر وترفع قضية ؟

لا يافندم

طيب اعملك محضر بناء علي صور لفيسبوك وتسجيل مكالمة لواحد بيقولك هبعتلك وابعتلي ؟

يعني مش شركة ؟ يعني اكتب في المحضر متفق مع واحد صاحبة يبعتلة فلوس ودة يبعتلة حاجه

وواحد متهم التاني مبعتلهوش ^_^ ونروح للتاني ونجيب كوبايتين شاي ونسال التاني يقول انا اول مرة اعرفة وهو من بلد وانا من بلد

وانتا تجيب المحامي معاة فايل فية اسكرينات شوت بتاعتك من الفيسبوك ويرفع بيهم قضية واعملك بيهم محضر

قالي انتا متخيل يا انسان يا متعلم بتقول ايه

قالي احنا زمان كان بيجيلنا ناس بيشتروا التورماي دلوقتي ناس بتشتري من النت

افحمني وخلي منظري وحش وفرج عليا البهوات الظباط وكل ما يدخل واحد يقولى احكيلة ويحرجني

ويضحكوا حاجه اخر وساخة اقسم بالله انا كرهت اليوم اللي اتولدت فية بسبب الموقف دة

مشيت وانا علي اخري


روحت مديرية الأمن : ركن ركن وزنقة زنقة سمعت نفس الكلام بس باسلوب اقذر شوية مع تريقة ونرفزة وكاني بشحت منهم

حسبي الله ونعم الوكيل فيهم

اخر ما يئست اتصلت بواحد عقيد شرطة به صلة قرابة وقولت افهمه يمكن هو يهتموا بكلامة

فهمتة وشرحتلة الموقف واني حولت لواحد فلوس علي الموبايل علشان هيبعتلي حاجه علي النت

ومعايا الاثباتات سكت شوبة وقالي ياريت يا استاذ احمد انتا راجل صيدلي ومتعلم متكررهاش

لان كويس انك روحت لظباط مش مهتمين بالموضوع

ممكن حد تاني يجيبلك شاي وانتا وقاعد هيتصل بصحفي يصورك فوق وتحت ومحضر يتعملك انتا والاخ التاني غسيل اموال وتهريب عملات

لان فية واحد اتراقب واتحاكم واتصادرت اموالة بسبب العملات الرقمية دي راح يعمل محضر لواحد قعدوة وخلوة يفهمهم كل حاجه وعملوا قضية لية هو وللاخ التاني

والاتنين اتحبسوا

انا حمدت ربنا ان جات علي قد كدة وبقي عندي يقين ان حكومتنا انضف حكومة وشرطتنا احسن شرطة في الدنيا

وربنا يديمها علينا نعمة مصر أم الدنيا اللي بتجيبلنا حقوقنا

طبعا بهرج دة احنا ممكن نتحبس لو طالبنا بحقوقنا احنا بلد متخلفة تكنولوجيا ولسة الحكومة عجوزة ومتعرفش غير القوانين اللي عجزت

تعامل مع اتنين بس في المعهد
[*] وسيط معتمد من ادارة المعهد
[*] شركة استضافة معتمدة من الادارة
[*]حقك مضمون عند الاتنين دول وبس وهتاخدة من ادارة المعهد كمان قبل مايكون بالقانون
[*]لان الناس دي معاها سجل تجاري وبطاقة ضريبية ,وترخيص لمزاولة المهنة وهذا النشاط وبيدفعوا ضرايب ومسجلين بالغرفة التجارية


نصيحة تعامل مع وسيط معتمد مهما كانت العمولة اكيد هيتقدملك اكتر من عرض من الوسطاء اختار فيهم الاوفر ليك

اللي يتسرق ميدورش علي حد يجيبلة حقة لانة هيتهزا ويحط جزمة في بوقة لاننا احنا اللي خلينا الحرامية تسرقنا

علشان نوفر 5 دولار عمولة ولا 6 دولار ممكن ندي 1000 دولار لواحد حرامي يسرقنا


موقف طريف بعد كل دة :
---------------------------

اخذت من اللص صورة جواز السفر وبطاقتة الشخصية ضمان لو حدث مكروة وكنت بدور اني اشتكية ولفيت وعملت دة كلة

بالصدفة اكتشفت انهم طلعوا كمان في الاخر مزورين ببرنامج واكتشفت دة من شوية والصور علي الايميلات مطلعتش صورة طلعت صور واحد متوفي
وكل الاصدقاء عندة ايميلاتة وبيرد ويغني علي نفسة

وطرحت البرنامج هنا في المنتدي اللي بيستخدموة النصابين ويخدعونا ان دي ضمانات لفلوسنا البطاقة والباسبور

صدقوني النصاب لازم يبهرك ويقنعك انه محترم وانتا بتشوف ايميلة والردود والاصدقاء اللي بتبقي سبام من برامج والباسبور والبطاقة بتنبهر

وكل دة بيبقي مترتب منهم لانهم أعتادوا علي اكل الحرام والباطل وخبرة فية

--------------------------------------
أخر كلامي حسبي الله ونعم الوكيل

نصيحة تعامل مع وسيط معتمد مهما كانت العمولة اكيد هيتقدملك اكتر من عرض من الوسطاء اختار فيهم الاوفر ليك

زينب محمد

المساهمات : 15
تاريخ التسجيل : 18/06/2020

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

إرسال موضوع جديد   إرسال مساهمة في موضوع
 
صلاحيات هذا المنتدى:
تستطيع الرد على المواضيع في هذا المنتدى